Ylli i Real Madridit, Kylian Mbappé, të shtunën vazhdoi të shkruajë emrin e tij në historinë e klubit.
Kjo erdhi pas golit të tij të fundit në ndeshjen e Los Blancos kundër Valencias në La Liga.
Pas një penalltie të fituar nga skuadra e Xabi Alonsos brenda 20 minutave të para në kryeqytetin spanjoll, Mbappé mori përgjegjësinë për ekzekutimin.
Ish-lojtari i PSG-së nuk gaboi nga pika e bardhë, duke vendosur Real Madridin në avantazh të merituar.
Përveçse udhëhoqi “Los Merengues” drejt fitores së 10-të në 11 ndeshje në La Liga, goli i tij i parë kishte edhe një rëndësi historike.
26-vjeçari ka shënuar tani në tetë ndeshjet radhazi në elitën e futbollit spanjoll.
Sipas statistikave të “MisterChip” në “X”, ai iu bashkua ikonës së Real Madridit, Cristiano Ronaldos, duke u bërë vetëm lojtari i dytë në historinë e klubit që arrin një arritje të tillë.
Mbappe tani ka 13 gola në La Liga në 11 ndeshje të zhvilluara në këtë garë.
