Tri jetë punëtorësh ndërtimi u shuan të hënën në Kosovë.
Tre burrat vdiqën në vendin e punës.
Dy nga ta humbën jetën pasi ranë nga ky objekt ku po punonin në Gjakovë dhe nuk i mbijetuan plagëve.
Inspektorati Qendror i Punës ka thënë se subjekti ku ndodhi të hënën aksidenti ka qenë i gjobitur dy herë.
Sipas këtij institucioni kjo e bën edhe më të papranueshëm faktin që nuk janë ndërmarrë masat e duhura për mbrojtjen e jetës dhe shëndetit të punëtorëve.
“Inspektorati Qendror i Punës do të vazhdojë me përkushtim punën e tij inspektuese dhe ligj zbatuese për të rritur nivelin e sigurisë në vendet e punës, me qëllim që tragjedi të tilla të mos përsëriten më. Në vazhdën e përpjekjeve të pandërprera për të krijuar një ambient pune sa më të sigurt dhe dinjitoz për punëtorët në Republikën e Kosovës, Inspektorati Qendror i Punës ka ndërmarrë hapa konkretë për forcimin edhe më tej të kapaciteteve inspektuese, përmes procedurave të rekrutimit të inspektorëve të rinj” thuhet nga IQP.
Sipas këtij institucioni, nga janari deri më sot kanë ndodhur 7 aksidente me fatalitet.
Por ndryshe nga këta të fundit thonë nga Sindikata e Pavarur e Sektorit Privat.
“Realisht kjo po ndodh se pronarët e kompanive e kanë punën e bëjnë për përfitimin e tyre personale pa e vra mendjen se a po e rrezikon jetën e dikujt tjetër. Pronarët e kanë qëllimin për përftime e një anën tjerët nuk i monitor askush është fjala për inspektorat të punës. Ky vit është viti më kobzi për punëtorët e sektorit privat të Kosovës , deri më dje kemi 18 raste të vdekjen në vendin e tyre të punës mbi 80% të rasteve janë punëtorë që vijnë nga ndërtimtaria”, ka thënë Azemi.
E ish avokati i popullit Hilmi Jashari, si problem kryesor e sheh numrin e vogël të inspektoreve por jo vetëm.
“Sipas një vlerësim që kemi bërë në cilësinë e avokatit të popullit në atë kohë me prej disa mostrave që kemi marr në Gjykatat tona vendore për të parë se sa kohë i duhet një gjykimi mesatarja ka qenë 8.5 vite……….”, është shprehur tutje Jashari.
Ndërsa gjatë ditës së sotme Ministria e Shëndetësisë në bashkëpunim me Institutin Kombëtarë të Shëndetësisë Publike kanë rekomanduar që të shmanget puna në ambient të jashtëm prej orës 11:00-16:00
