Ferizaj ka shkruar histori në volejbollin e Kosovës duke fituar titullin e dytë të kampionit në histori të klubit, pas një finaleje emocionuese ndaj Dritës.
Skuadra ferizajase triumfoi me rezultat 3:2 (22:25, 25:22, 22:25, 28:26, 10:15) në finalen e katërt të serisë, duke siguruar kështu fitoren e tretë dhe mbylljen e serisë së play-off-it.
Ferizaj këtë sezon realizoi një tripletë historike, duke fituar Kupën e Federatës, Kupën e Kosovës dhe tash edhe titullin e kampionit, në një vit të veçantë që përkon me 32-vjetorin e klubit.
Ceremonia e medaljeve ishte një moment i veçantë për KV Ferizaj.
• Trofeun e kampionit e dorëzoi presidenti i FVK-së, Bahri Gjinovci, për kapitenin e Ferizajt, Durim Rexhepi.
• Medaljet e arta u ndanë nga sekretari i përgjithshëm Valon Nikqi dhe nënkryetari i FVK-së, Valon Xhafaj, si dhe deputetja Arbnora Salihu
• Medaljet e argjendta për Dritën u ndanë nga anëtaret e bordit të FVK-së Antigone Veseli e Halime Fetahu, përzgjedhësi i Kosovës Lorik Ilazi, Halime Fetahu, drejtori i sportit në Gjilan Kushtrim Zeqiri dhe Burim Rahimaj, si përfaqësues i klubeve Feniks.
Me këtë maratonë emocionuese, përfundoi edhe edicionin 2024/25 në elitën e volejbollit të meshkujve.
Federata e Volejbollit e Kosovës uron KV Ferizaj për titullin e kampionit dhe i përgëzon të gjithë lojtarët, stafin dhe tifozët për një sezon fantastik.
Përgëzime gjithashtu për Dritën për një finale të fortë dhe të denjë!
