Ky reagim i Kuvendit vjen, pasi në media u raportua se 10 deputetët e Listës Serbe të dorëhequr do të marrin paga.
Ndërsa, nga Kuvendi kanë thënë se këtë të drejtë deputetët e gëzojnë në rastet kur shpërndahet Kuvendit ose e përfundojnë mandatin.
“Në funksion të sqarimit të publikut lidhur me përfitimet e ish-deputetëve, njoftojmë si në vijim: Kur Kuvendi shpërndahet, qoftë pas mandatit të rregullt apo me ndërprerje të mandatit, deputetët e legjislaturës përkatëse gëzojnë të drejtën në pagë kalimtare deri në një sistemim të ri, më së shumti 12 muaj. Ndërsa kur deputeti jep doreheqje, nga ajo ditë i pushojnë të gjitha të drejtat që mund të kishte përfituar si ish-deputet, përfshirë edhe pagën kalimtare deri në 12 muaj”, thuhet në njoftim .
Dhjetë deputetët e Listës Serbe, më 7 nëntor kishin dorëzuar dorëheqjet në Kuvendin e Kosovës. Kjo pasi në një mbledhje në komunë të Zveçanit, më 5 nëntor, të ftuar nga Lista Serbe, në të cilën morën pjesë zyrtarë të lartë shtetërorë nga komuniteti serb, u njoftua largimi i tyre nga institucionet, përfshirë nivelin qendror ekzekutiv, lokal, policor, si dhe nga gjyqësori. /Teve1.info/
Lexo edhe:
https://teve1.info/lajmet/shteti-do-ti-paguaj-10-deputetet-e-dorehequr-te-listes-serbe-por-edhe-deputetet-e-rinj/
