Deputetët e Kuvendit të Kosovës kanë shkuar në pauzë, raporton teve1.info.
Kryeparlamentari, Glauk Konjufca kërkoj nga deputetët e pranishëm në sallë pauzë, për shkak se nuk kishte kuorum për votim.
Kjo pasi opozita tashmë lëshoi seancën për shkak se mazhoranca nuk e miratoi rezolutën për Trepçën dhe Policinë e Kosovës.
Derisa disa prej deputetëve të Vetëvendosjes që gjendeshin në sallë nuk morrën pjesë në votim.
Vazhdimi i kësaj seance pritet të nisë me fillim nga ora 13:30
Pikat të cilat nuk patën kuorum për votim ishin:
Shqyrtimi i parë i Projektligjit nr.08/L-241 për vlerësimin strategjik mjedisor,
Shqyrtimi i parë i Projektligjit nr.08/L-242 për performancën energjetike të ndërtesave,
Shqyrtimi i parë i Projektligjit nr.08/L-246 për administrimin e ndërtesave dhe lagjeve të banimit në bashkëpronësi.
Kurse u votua “Shqyrtimi i parë i Projektligjit nr.08/L-240 për Agjencinë e Regjistrimit Civil”./teve1.info./
