Ky projektligj ishte iniciuar nga PDK dhe mbështetur edhe një mbi 20 mijë qytetarë përmes peticionit.
Partitë opozitare kanë deklaruar se do ta mbështesin këtë projektligj dhe disa deputetë nga koalicioni qeverisës si Duda Balje dhe Fatmir Humolli, shkruan teve1.info.
Por, ky projektligj nuk do të përkrahet nga shumica e deputetëve të VV-së. Këtë e ka deklaruar shefja e grupit parlamentar, Mimoza Kusari- Lila.
Projektligji për Trustin, përmes të cilit kërkohet që qytetarëve t’u mundësohet të tërheqin 30 për qind të kursimeve pensionale, ka dështuar të votohet më 23 qershor të vitit 2022.
44 vota të partive opozitare ishin pro këtij Projektligji derisa 57 deputetë të pozitës kanë votuar kundër. Vetëm një ka abstenuar.
Seanca e Kuvendit është paraparë të nis nga ora 10:00 dhe në rend dite janë edhe disa pika tjera.
Ky është rendi i ditës:
- Miratimi i procesverbalit nga seanca e mëparshme,
- Deklarimet jashtë rendit të ditës,
- Pyetjet parlamentare,
- Shqyrtimi i parë i Projektligjit nr.08/L-178 për plotësimin dhe ndryshimin e Ligjit nr. 04/L-101 për Fondet Pensionale të Kosovës, i plotësuar dhe ndryshuar me Ligjin nr. 04/L-115, me Ligjin nr. 04/L-168 dhe Ligjin nr. 05/L-116,
- Shqyrtimi i Raportit me rekomandime për mbikëqyrjen e zbatimit të Ligjit nr. 06/L-046 për Inspektoratin e Arsimit në Republikën e Kosovës,
- Shqyrtimi i Raportit vjetor të Komisionit Qendror të Zgjedhjeve për vitin 2021,
- Shqyrtimi i Raportit përfundimtar të Komisionit Hetimor Parlamentar lidhur me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike.
