Seanca e Kuvendit të Kosovës ka filluar me deklarimet jashtë rendit të ditës, ku përparësi iu dha deputetëve nga komuniteti ashkali, për nder të ditës kombëtare të ashkalive, raporton teve1.info
Këtë vendim e mori kryetari i Kuvendit të Kosovës, Glauk Konjufca, i cili tha se sot është dita e ashkalive për çka do të fillohet me fjalimet e deputetëve nga ky komunitet.
Paraprakisht kuvendi e miratoi plotësim-ndryshimin e rendit të ditës, ku me kërkesë të Grupit Parlamentar të Vetëvendosjes u shtuan edhe dy pika.
Njëra pikë e re ka të bëjë me themelimin organit përzgjedhës të pavarur për përzgjedhjen e anëtarëve të OSHP-së dhe pika e dytë e shtuar në rend dite është ndërrimi i anëtares së Komisionit parlamentar për Administratë Publike nga radhët e VV-së, Tinka Kurti me deputeten Adelina Grainca.
