Kuvendi i Kosovës do të mblidhet nesër, ku është paraparë të fillojë nga ora 10:00.
Seanca e nesërme ishte paraparë që të mbahej sot, por në mungesë të kuorumit ka dështuar.
Ndërsa, në rend dite janë shtat pika, ku në mesin e të cilave është edhe Shqyrtimi i dytë i Projektligjit nr.08/L-167 për Prokurorin e Shtetit.
Pikat e tjera të ditës janë:
- Deklarimet jashtë rendit të ditës,
- Pyetjet parlamentare,
- Shqyrtimi i dytë i Projektligjit nr. 08/L – 123 për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive Ekzekutive,
- Shqyrtimi i dytë i Projektligjit nr. 08/L-167 për Prokurorin e Shtetit
- Shqyrtimi i rekomandimeve lidhur me Raportin e auditimit të teknologjisë së informacionit “Sistemi për Menaxhimin e Pagave”,
- Shqyrtimi i rekomandimeve lidhur me Raportin e auditimit: “Funksionimi i sistemit të Grantit të Performancës Komunale dhe menaxhimi i projekteve të financuara nga Donatorët për vitin 2021”,
- Propozimi i GP të LVV për zëvendësimin e anëtarëve në komisionet parlamentare. /teve1.info/
