Kuvendi i Kosovës do të mbajë sot seancë të jashtëzakonshme lidhur me arrestimin e kryeshefit të Korporatës Energjetike të Kosovës, Nagip Krasniqit.
Kjo seancë është iniciuar nga Partia Demokratike e Kosovës, me 40 nënshkrime të deputetëve të të gjitha partive opozitare në vend.
Shefi i Grupit Parlamentar të PDK,-së, Abelard Tahiri tha se kjo seancë do të nisë sot në ora 11:00.
Sipas tij, opozita do të kërkojë përgjegjësi për aktualitetin në Kosovë me rastin e arrestimit të Nagip Krasniqit.
“Sapo dorëzova kërkesën e mbështetur nga 40 deputetë për seancë të jashtëzakonshme të Kuvendit për nesër nga ora 11:00, ku do të kërkojmë përgjegjësi për aktualitetin e krijuar me rastin e arrestimit për korrupsion të zyrtarit të lartë të Lëvizjes Vetëvendosje, i emëruar nga pushteti në krye të KEK-ut.”, ka thënë Tahiri.
