TËVË 1 - Lexoje të vërtetën!
  • LAJMET
  • ZGJEDHJET 2025
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • SHOW BIZ
  • OPINIONE
23 °c
Pristina
No Result
View All Result
TËVË 1 - Lexoje të vërtetën!
  • LAJMET
  • ZGJEDHJET 2025
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • SHOW BIZ
  • OPINIONE
23 °c
Pristina
No Result
View All Result
TËVË 1 - Lexoje të vërtetën!
No Result
View All Result

Kuvendi i Shqipërisë miraton Ligjin për amnistinë penale

nga TËVË 1
1 vit më parë
0
A A
Kuvendi i Shqipërisë miraton Ligjin për amnistinë penale

Me 110 vota për, Kuvendi i Shqipërisë ka miratuar Ligjin për amnistinë penale, nga i cili pritet të përfitojnë afër 1.100 të dënuar, 700 nga të cilët do të lirohen menjëherë.

Miratimi i amnistisë u bë i mundur pas marrëveshjes që u arrit pak ditë më parë mes shumicës parlamentare dhe një pjese të opozitës, marrëveshje që i dha fund bllokimit dhe tensioneve në seancat plenare.

Partia Socialiste dhe grupi i deputetëve të ‘Rithemelimit’ brenda Partisë Demokratike gjetën pajtim duke zgjidhur kështu ngërçin që mbante bllokuar votimin e këtij ligji.

Ministri i Drejtësisë, Ulsi Manja, tha se 700 të dënuar do të lirohen menjëherë, ndërsa 400 të tjerë do të përfitojnë ulje të dënimit. Gjithashtu do të përfitojnë 2.700 persona që janë në shërbim prove.

Nga amnistia do të pushohen menjëherë dhe 232 dosje të protestuesve të opozitës.

“Shqipëria, jo në rajon, por në Evropë ka numrin më të madh të personave të dënuar me burgim të përjetshëm. Vijmë te paraburgimi. Shqipëria ka 57 për qind numrin e të paraburgosurve në raport me numrin e të dënuarve. Në duhet të kishim 661 persona të paraburgosur. Ndërkohë që kemi 2.497 të paraburgosur mbi standardet e Bashkimit Evropian. I marrim ekstra 24.2 milionë euro në vit, kosto që kemi për mbajtjen e të burgosurve. Shqipëria duhet të marrë masa për t’i dhënë një zgjidhje afatgjatë kësaj çështje”, tha ministri Manja.

Sipas ligjit nga amnistia do të përfitojnë burrat e dënuar që u kanë mbetur pa vuajtur më pak se katër vjet burgim ose që janë dënuar deri me katër vjet, gratë e dënuara deri në pesl vjet apo që ju kanë mbetur pa vuajtur pesë vjet nga dënimi. Po ashtu përfitojnë të miturit, gratë që janë 50 apo mbi 50 vjeç, burrat 60 apo mbi 60 vjeç, personat që kanë qenë 18 vjeç apo nën këtë moshë.

Opozita e dha votën për miratimin e Ligjit për amnistinë penale, pasi në të u përfshin disa amendamente të propozuara nga deputeti opozitar, Gazmend Bardhi.

Kundër ligjit u shpreh gjatë seancës kreu i PD-së, Lulzim Basha.

“Një amnisti që shpërblen zyrtarë të korruptuar dhe dënuar nga Gjykata e Posaçme dhe ndëshkon opozitarë dhe protestues të tjerë. Është pazar kundër SPAK-ut, kundër drejtësisë, përfitojnë të korruptuarit, përfshirë zyrtarë të lartë”, tha Basha.

Pretendimet e tij i kundërshtuan deputeti Gazmend Bardhi dhe ministri i Drejtësisë Ulsi Manja. Ata theksuan se nuk përfiton asnjë zyrtar i dënuar nga Gjykata e Posaçme.

Amnistia penale u miratua në Qeverinë shqiptare që më 6 dhjetor të vitit të kaluar, dhe pritej të zbatohej në prag të ndërrimit të viteve. Për shkak se opozita nuk dha votat, ligji mbeti peng i sigurimit të shumicës së cilësuar prej 84 votash. Edhe pse ishte përcaktuar të votohej në seancën e 22 shkurtit të këtij viti, kryetarja e Kuvendit u detyrua ta tërheqë nga rendi i ditës për shkak se shumica parlamentare nuk i kishte votat e nevojshme.

Pajtimi u arrit vetëm një ditë më parë, pasi Gazmend Bardhi paraqiti disa amendamente, që u votuan në seancën e së enjtes. Njëri prej tyre mundëson falje, ulje dënimi, apo pushim të hetimeve për disa prej qytetarëve që janë arrestuar gjatë protestave të opozitës. Një tjetër amendament ndryshon një prej propozimeve të shumicës, që parashikonte që nga amnistia të përfitonin edhe të dënuar nga Gjykata e Posaçme. Me propozimin e Gazmend Bardhit përjashtohet mundësia e përfitimit nga ish-zyrtarë të nivelit të lartë, por mund të përfitojnë ata të një niveli më të ulët.

Në seancën plenare të së enjtes, që zgjati plot dhjetë orë, u votuan dhe pesë ligjet e seancës së 7 marsit, votimi i të cilave u anulua nga Sekretariati i Etikës. Anulimi i tyre u bë pas kërkesës së një grupi të deputetëve të opozitës se nuk pati kuorum për votimin e ligjeve. Më i rëndësishmi prej tyre është ligji që shtyn me një vit zbatimin e Ligjit për investimet strategjike. Edhe pse më herët opozita e ka kundërshtuar këtë ndryshim në ligj, në seancën e së enjtes e votoi atë.

Tags: amnistinë penaleKuvendi i ShqiperiseUlsi Manja
ShareTweet

Postime të ngjashme

Janjić: Pranimi i fajësisë nga zyrtari serb në Prishtinë hap problem serioz politik për Beogradin

Janjić: Pranimi i fajësisë nga zyrtari serb në Prishtinë hap problem serioz politik për Beogradin

Ushtria izraelite gradon oficerin që urdhëroi ekzekutimin e civilëve në Gaza

Ushtria izraelite paralajmëron se plani i Netanyahut për okupimin e Gazës mund të qoj në vrasjen e të gjithë pengjeve

Izraeli godet sërish me dron në Liban: Një i vdekur dhe dy të plagosur

Izraeli godet sërish me dron në Liban: Një i vdekur dhe dy të plagosur

Raport: Microsoft Cloud po përdoret për mbikëqyrjen masive të palestinezëve nga Izraeli

Raport: Microsoft Cloud po përdoret për mbikëqyrjen masive të palestinezëve nga Izraeli

Specialja e konfirmon se pranuan prova nga autoritetet serbe – sqaron procedurat

Specialja e konfirmon se pranuan prova nga autoritetet serbe – sqaron procedurat

Pezullohen nga puna katër zyrtarë, Gjorgje Radomireviq arratiset nga burgu i Mitrovicës

Pezullohen nga puna katër zyrtarë, Gjorgje Radomireviq arratiset nga burgu i Mitrovicës

VV-ja kritikon Gjykatën, ish-opozita mirëpret Aktgjykimin

VV-ja kritikon Gjykatën, ish-opozita mirëpret Aktgjykimin

Pse Gyjkata Speciale punoi më 28 Nëntor?

Rezolutë kundër Speciales? Baraliu: Shqipëria mundet ta bëj

Volejbollistët e Kosovës, vazhdojnë kualifikimet  e Evropianit, me selektorin e ri

Volejbollistët e Kosovës, vazhdojnë kualifikimet e Evropianit, me selektorin e ri

Ter Stegen reagon pas spekulimeve: “Dashuria ime për Barcelonën është absolute”

Ter Stegen reagon pas spekulimeve: “Dashuria ime për Barcelonën është absolute”

Një muaj paraburgim për policin që rrahu qytetarin në Prizren

Ra nga kati i pestë i një ndërtese në Ferizaj, vdes 56-vjeçarja

Facebook Youtube Instagram TikTok

TËVË 1

Ky portal mirëmbahet nga televizioni “Tëvë1”. Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e drejtuesve të “Tëvë1”. Për ta shfrytëzuar materialin e këtij portali obligoheni t’i pranoni kushtet e përdorimit.
  • LAJMET
  • ZGJEDHJET 2025
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • SHOW BIZ
  • OPINIONE

Social Media

© 2022 - 2025 TËVË 1 - lexoje tëvërtetën

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • LAJMET
  • ZGJEDHJET 2025
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • SHOW BIZ
  • OPINIONE

© 2022 - 2025 TËVË 1 - lexoje tëvërtetën

X