Kuvendi i Kosovës e ka mbyllur seancën plenare të paraparë për të mërkurën, në mungesë kuorumi, raporton teve1.info
Për shkak të pakënaqësisë me vlerën e koeficientit të pagave në sektorin publik, seancën plenare e lëshuan partitë opozitare, PDK, LDK dhe AAK, ndërkohë kryetari i Kuvendit, Glauk Konjufca, tha se nuk ka kuorum për vazhdimin e saj.
Në vazhdimin e seancës të paraparë për sot, ishin paraparë disa pika të mbetura pa përfunduar që nga shtatori i vitit të kaluar.
