Kuvendi i Kosovës nuk ka hapësira për asistentët e deputetëve të Kosovës. Ata po detyrohen të punojnë në vetura e në zyrat e grupeve personale. Për këtë deputetët kërkojnë që të krijohen hapësira për sistemimin e tyre e të zyrtarëve personal.
Zyrtarët e lartë personal të deputetëve po detyrohen të punojnë në vetura.
Sovrani vendos së kush do të ulet në sallën e Kuvendit të Kosovës.
Por jo edhe se kush do të jetë asistent i deputetëve.
Me rregulloren e re të Kuvendit, ligjvënësve iu mundësohet që të kenë nga një zyrtar të lartë personal.
E secili prej tyre do të paguhet hiq më pak se 600 euro në muaj.
Të drejtën për të pasur asistentë e kanë shfrytëzuar 76 deputetë.
Por halli i të zgjedhurve të popullit po është se Kuvendi nuk i plotëson kushtet për sistemimin e tyre.
Meqenëse deputetët nuk kanë zyra, si vend i punës së këtyre asistentëve, po shfrytëzohen zyrat e grupeve parlamentare e veturat.
Madje sipas Haxhiut, Kuvendi nuk po plotëson kushtet e punës as për ta si deputetët.
Që Kuvendi nuk ka hapësira për ta e zyrtarët personal, e thotë edhe deputetja e AAK-së, Time Kadrijaj.
Madje edhe mjetet e punës detyrohen t’i ndajnë ndërmjet veti.
E krijimin e hapësirave për asistentë po e sheh të nevojshëm edhe politologu, Fidan Ukaj.
Tëvë 1 ka kërkuar sqarim edhe nga Kuvendi i Kosovës se si ka menduar sistemimin e këtyre asistentëve, por nuk ka marrë përgjigje.
