Kuvendi i Kosovës sot e filloi seancën plenare me një minutë heshtje, për të nderuar rreshterin, Afrim Bunjaku, i cili mbet i vdekur në sulmin e 24 shtatorit në Bajnskë të Zveçanit.
Policia e Kosovës është sulmuar me arsenal armësh, përfshirë këtu edhe me granata dore dhe zollë, ku si pasojë e gjuajtjeve është vrarë Bunjaku dhe një tjetër është plagosur, përcjell teve1.info.
Të vdekur kanë mbetur edhe tre nga sulmuesit e serb, janë arrestuar dy sulmues dhe katër persona të dyshuar të cilët ishin hasur nën posedim ilegal të radiolidhjeve, e të cilët dyshohet se ndërlidhen me grup terroristë.
Teksa, Policia e Kosovës tha të mërkurën se ka përfunduar kontrollet në fshatin Banjskë në veri, tre ditë pas përleshjes me një grup personash të armatosur që sulmoi forcat e rendit.
Grupi që sulmoi policinë të dielën, më pas hyri me forcë në manastirin ortodoks në fshatin Banjskë duke vazhduar të qëllojë mbi forcat e rendit. Përleshja përfundoi kur shumica e sulmuesve u arratisën. Tre nga sulmuesit e armatosur mbetën të vrarë. Sulmi u cilësua si akt terrorist nga institucionet e Kosovës dhe diplomatët perëndimorë./teve1.info/.
