Mure të zhveshura nga shtresa e fasadës e dritare të thyera, janë pamjet që nxënësit e gjimnazit të shkencave shoqërore “Shaban Hashani” në Ferizaj e nisin mësimin përditë.
E në këtë objekt mbi 60 vite të vjetër u ishte thënë të rrinin vetëm 3 muaj, derisa të ndërtohej i riu, por tashmë janë bërë 3 vjet që ai nuk ka përfunduar.
E Fitore Bytyqi, nxnënëse e klasës së dhjetë thotë se është sëmurë nga të ftohtit që ka pësuar në këtë objekt.
Fatmir Hetemi, mësimdhënës i Gjuhës Shqipe, tash e 40 vite në këtë gjimnaz thotë se edhe pse në këto rrethana, janë përpjekur të ketë cilësi.
Ndërkaq, nga drejtoria e Arsimit në këtë komunë thanë se punimet për ndërtimin e një shkolle të re do të rifillojnë porsa prona e paraparë për të t’i rikthehet sërish Komunës nga Agjencia Kosovare e Privatizimit.
“Ne, deri më tani kemi zhvilluar të gjitha proceduarat e kërkuara nga AKP lidhur me zhbllokimin e kësaj situate, prandaj duke pas parasyesh natyren serioze të kësaj problematike besojmë se së shpejti do marrim pëlqim pozitiv për vazhdimin e punimeve”, ka thënë Afrim Llabjani, drejtor i Drejtorisë Komunale të Arsimit në Komunën e Ferizajt.
Sipas tij, objekti i ri i gjimnazit “ Shaban Hashani” filloi vite me parë derisa u përfunduan edhe 70% e punimeve por pas një vendimi të qeverisë gjatë vitit 2021 që pronat e komunave t’i kthehen AKP-së, u ndërprenë punimet.
Kronika e gazetares Lendrina Kodrolli.
