Janë zërat kundërshtues të pretendimeve të prokurorëve të specializuar.
Përbërja e ekipeve mbrojtëse të të akuzuarve në Hagë, është me avokatë eminentë të vendeve të huaja.
Ndaj ata kanë edhe kostot e tyre, për një pjesë të të cilave kujdeset shteti i Kosovës.
Për dymbëdhjetë muajt e këtij viti, mbi 8 milionë euro shkuan për ta.
Më së shumti përfitoi mbrojtja e Jakup Krasniqi, mbi 1.5 milionë euro.
Vlera të njëjta, me nga 1 milionë e 430 mijë u destinuan për mbrojtjet e Kadri Veseli e Rexhep Selimit.
Ekipi mbrojtës i fundit që për një vit mori shifra milionëshe, është ajo e Hashim Thaçit, me 1.3 milion euro.
Afër milionëshit të parë, ishte mbrojtja e Pjetër Shalës, e cila u kompensua nga shteti i Kosovës me rreth 900 mijë euro.
Rreth 700 mijë euro, përfitoi mbrojtja e Salih Mustafës, dhe me nga pothuajse 400 mijë euro, ato të Hysni Gucatit dhe Nasim Haradinaj.
Shteti i Kosovës, përmes Ministrisë së Drejtësisë mbulon edhe shpenzimet e familjarëve në vizitat e tyre në Hagë.
Ato përfshijnë fjetjen, ushqimin dhe biletat e aeroplanit. Në krye të listës, qëndron familja e Krasniqit, mbi 26 mijë euro, kurse në fund familja e Thaçit me zero euro. Me nga 24 mijë euro u kompensuan familjarët e Gucatit, Haradinajt e Selimit.
Ato pasohen nga familjarët e Veselit me 19 mijë euro. Konsiderueshëm më pak shifra, shkuan për familjarët e të akuzuarve të tjerë. Ajo e Salih Mustafës afro 10 mijë euro, e Pjetër Shalës me 6 mijë euro.
E vetëm 700 euro për familjarët e Sabit Januzi, i cili javëve të fundit filloi procedurën paraprake.
