Një ditë pasi Shqipëria hapi kapitullin e parë për diskutim që për synim ka anëtarësimin e saj në Bashkimin Evropian njohësit e Marrëdhënieve Ndërkombëtare në Tiranë e Prishtinë thonë se pas Shqipërisë radhën e ka Maqedonia e Veriut. Ata vlerësojnë që Kosova po pengohet nga Serbia për tu bërë pjesë e unionit evropian.
Shqipëria zyrtarisht të martën hapi kapitullin e negociatave për tu bërë pjesë e Bashkimit Evropian.
E kjo erdhi në vazhdën e politikës evropiane për tu zgjeruar me shtetet e Ballkanit Perëndimor deri në vitin 2030.
Njohësit e marrëdhënieve ndërkombëtarë në Shqipëri e Kosovë thonë se radhën tashmë e ka Maqedonia e Veriut.
Por, ku është Kosova, në këtë listë?
“Kuptohet që sipas road mapit që është bërë gati dhjetë vite më përpara, përparësinë e kishte Mali i Zi pastaj Serbia, vinte Shqipëria me Maqedoninë e veriut, pastaj Bosnja dhe Hercegovina dhe në fund, Kosova. Logjikisht mundësinë më të madhe pas Shqipërisë e ka Maqedonia e veriut, por në qoftë se z.Mickovski kryeministër, do të vazhdoi bashkë me njerëzit e tij të ndërhynë tek institucionet e pavarura shembull në Gjykatën për gjuhën, besoj se ata do të penalizohen”, ka thënë analisti nga Shqipëria Ben Andoni.
Sipas tij, Beogradi zyrtar po e pengon shtetin e Kosovës drejt këtij rrugëtimi.
“ Mendoj se Kosova e ka rrugën më të vështirë nga të gjitha vendet. E para nga pengesat e Serbisë. 05:09 Kosova u treguar e mençur që bëri e para hapin për të hequr vizat pas asaj që kanë për angazhimin në Procesin e Berlinit”, thotë ai.
Por, analisti nga Prishtina, Arbnor Sadiku konsideron që Kosova duhet të punojë në largimin e masave për të ecur tutje drejtë integrimit të saj në strukturat evropiane.
“ Kjo ka pas ndikim të stagnoj jo vetëm në aspektin e reformave që ndërmerren nga shtetet për t’i plotësuar këto kriteret e Kopenhagës dhe të Madridit por edhe në aspektin politik që kanë qenë probleme shtesë për ne dhe ne si duket do ta kemi një rrugë më të vështirë veçanërisht krahasuar me Shqipërinë”, thotë ai.
Kosova ka aplikuar për anëtarësim në BE në fund të vitit 2022 dhe është vendi i vetëm në rajonin e Ballkanit Perëndimor që nuk e ka statusin e vendit kandidat.
