Është 14 janari i vitit 2025.
Gazetarët e deskut informativ të Tëvë1, posa i morën detyrat e ditës.
Por, atmosfera e fushatës zgjedhore në Kosovë, nuk e kurseu as redaksinë e lajmeve.
Para terrenit, gazetarët u mblodhën për parashikimet e zgjedhjeve të rregullta parlamentare të 9 shkurtit.
I bindur për këtë rezultat të partisë fituese ishte gazetari Venhar Isufi.
Madje për këtë, pati edhe premtime.
Por, edhe pse me shifra më të ulëta, fitoren e Vetëvendosjes e qëlluan të gjithë.
“Krejt gazetarët e deskut informativ kanë qenë të bindur që LVV do të dal e para, partia që do të ketë më shumë votues. Mirëpo, nga terreni ku kemi qenë në secilën komunë të Kosovës, e kemi parë që ka pasur rënie. Ka rënie sepse qytetarët kanë qenë të zhgënjyer që shumë prej premtimeve që i ka pasur në qeverinë Kurti 2, nuk janë përmbushur. Pra, ato që lidhen me rrugët, shkollat, çerdhet, etj”, ka deklaruar Fetije Kamberi – gazetare.
E Shpat Blakçori, qëlloi përqindjen e votave që do t’i marrë Partia Demokratike e Kosovës.
Por, njëjtë më shumicën e kolegëve, edhe Blakçori e parashikoi se LDK-në të dal partia e dytë në Kosovë.
“Edhe unë kam menduar që LDK ka më marrë më shumë vota, me qenë partia e dytë, na ka befasuar sepse vetëm 17% deri tash. Kam menduar sepse kryetari i LDK-së i ka bërë disa reformime gjatë viteve të fundit, por edhe kemi parë një fushatë ku ka pasur shumë njerëz dhe është krijuar ideja që LDK është rritur, por zgjedhjet treguan që nuk pa pasur një rritje aq të madhe”, ka deklaruar ai.
E gazetarët nuk u treguan të saktë vetëm në parashikime.
Këta e kaluan edhe testin më sfidues me afër 17 orë transmetim maratonik në ditën e zgjedhjeve.
“Ditën e zgjedhjeve në ishim të përgatitur, kemi shkuar diku rreth 17 orë live me transmetim. Kemi pasur ekipe të shumta në terren, kemi raportuar për çdo gjë që ka ndodhur në komunat e vendit. Ishin sfiduese, por mendoj që Tëvë1 e kaloi me sukses testin e parë”, ka thwnw drejtori i informacionit, Bashkim Bekolli.
E kur zgjedhjet përfunduan, u kthye edhe normaliteti i punës në Tëvë1
Por, Venhari do të shpëtonte, po të mos ekzistonte incizimi me premtimin e dhënë.
Për këtë, kafet e mëngjesit me 10 shkurt, gazetarët i patën nga ai.
