Mëngjesin e së hënës, një lagje e Kaçanikut u mbushë me pjesëtarë të Njësisë Speciale.
Përveç këtij vendi, specialët zbarkuan edhe në nëntë lokacione tjera në këtë komunë dhe në një fshat të Klinës, për t’ia vënë prangat të dyshuarve për vrasjen e rreshterit, Muhamed Lika.
Në këtë aksion, u arrestuan shtatë persona si të dyshuar për planifikimin dhe ekzekutimin e policit.
Detaje rreth pistës së hetimit të krimit që tronditi shtetin dha vet drejtori i Policisë së Kosovës, Gazmend Hoxha dhe kryeprokurori i Ferizajt, Burim Çerkini.
Në këtë konferencë u theksua që dyshimet kryesore janë se vrasja lidhet me detyrën zyrtare te Likës.
Ai tregoi se ndër të arrestuarit është një ish ushtar i Forcës së Sigurisë së Kosovës, derisa shtoi se një pjesë e të arrestuarve kanë të kaluar kriminale.
Disa prej tyre kishin djegur Gjykatën Themelore në Kaçanik me 13 mars të vitit 2024.
Po ashtu është arrestuar edhe djali i një polici, arma zyrtare e të cilit është konfiskuar.
