Komisioni Qendror i Zgjedhjeve (KQZ) ka njoftuar se të martën në Zveçan, Han të Elezit, Mamushë dhe Junik ka përfunduar procesi i numërimit dhe verifikimit të votave për kandidatët për kryetarë komunash dhe ata për asamble komunale.
Sipas rezultateve të publikuara në platformën zyrtare të KQZ-së, në komunën e Zveçanit tre kandidatë për asamblistë rezultojnë se nuk kanë marrë asnjë votë.
Bëhet fjalë për Flurim Kelmendin nga Partia Demokratike e Kosovës (PDK), si dhe Selvije Pecin dhe Rabije Pecin nga Lëvizja Vetëvendosje (LVV).
Ndërkohë, ka edhe kandidatë që kanë marrë vetëm një votë.
Xhevdet Kelmendi nga PDK-ja në Zveçan dhe Leonora Laçi nga Aleanca për Ardhmërinë e Kosovës (AAK) në Han të Elezit janë ndër ta.
Për më shumë detaje mbi rezultatet për kandidatët për kryetarë dhe asamblistë, mund të vizitoni platformën e rezultateve të KQZ-së në këtë link.
