Vjeshtën e vitit 1998, doli në rrugën e fshatit.
Por, ajo çka pa Asllan Morina në Zajm të Klinës, e habiti.
Fqinji i tij i parë, Ilir Berisha, i ishte bashkuar forcave serbe.
“Kur e kemi parë herën e parë, me automat në dorë ka hyrë me thy këtë shtëpinë këtu, edhe kanë hyrë neper livadh, bashkë me shki*e dhe kanë marrë çdo gjë që ka pas në shtëpi. 1:45 Kanë dal shpesh, kqëyre ku janë arat e shtetit këtu, dilshin vritnin lopë e jau merrshin shpatullat, vishin i pjekshin, i hajshin e knojshin..”, tregon Morina.
Disa ditë më pas, Ilir Berisha dyshohet se mori pjesë edhe në dëbimin e shqiptarëve nga shtëpitë e tyre.
E, pas përfundimit të luftës, burri i nacionalitet rom u kthye edhe një herë në fshatin Zajm.
Kjo për ta provuar shansin që ta nis jetën edhe një herë nga e para.
Por, kryetari i fshatit, Fazli Krasniqi thotë se këtë gjë e refuzuan banorët e fshatit.
“Ata kanë kërkuar me kthyer se ai Iliri ish kanë refugjatë në Mal të Zi. Unë ju kom thanë që ky ka pas sjellje të këqija gjatë luftës. I kam çu të kojshitë e tij edhe ata kanë dal edhe nersye tij kanë deklaruar që ky njeri nuk ka pasur sjellje të mira”, tha Krasniqi.
E përpjekjet e Ilir Berishës për t’u kthyer në vendlindje nuk u ndalën më kaq.
Disa vjet më parë, ai aplikoi për t’u pajisur me pasaportën e Kosovës.
E kjo bëri që i dyshuari për krime luftë, të bie në duart e Policisë së Kosovë.
Për këtë, Asllan Morina pranoi një telefonatë nga organet e hetuesisë, të cilët e ftuan ta identifikonte të dyshuarin.
Në Stacionin Policor të Klinës, Morina do të gjendej edhe një herë ballë për ballë, më ish-fqinijn e tij, Ilir Berisha.
“Në prezencë të policëve nuk pranoje asgjë, as për automatik, as për shtëpija që ka thyer asgjë, thoshte se jam i sëmurë nga zemra. Dikur i thashë policës a bën me dal me u ballafaqua unë më të? Tha po vec mos ju afro. Jam dal, kur më ka pa, u habit se nuk e ka prit. Edhe atëherë ja kom nis, unë i thashe ti vec po edhe jo mu përgjigj. A e ke ba këta, tha po, e këtë, tha po, tha s’kam pas qare, për automatik tha nuk ka qenë i jemi”, thotë Morina.
Pavarësisht dëshmisë së Morinës, Ilir Berisha u la edhe një herë i lirë.
Ky i fundit u arratis përsëri në Malin e Zi.
Në fillim të tetorit të këtij viti, Berisha ra edhe një herë në duart e policisë malazeze.
Nga këta të fundit, institucionet e Kosovës po kërkojnë ekstradimin e tij në Kosovë.
“Ministria e Drejtësisë e Republikës së Kosovës konfirmon se ka parashtruar kërkesë për ekstradim dhe jemi në pritje të vendimit nga autoritetet malazeze”, ka thwnw nga MD.
Ndryshe në korrikun e këtij viti, Prokuroria Speciale e Kosovës ka ngritur aktakuzë në mungesë kundër Ilir Berishës.
Kjo me dyshimin se gjatë luftës së fundit në Kosovë ka kryer veprën penale të “krimit të luftës kundër popullsisë civile”
