Llideri konzervator opozitar, Friedrich Merz doli fitues në zgjedhjet nacionale në Gjermani.
Në rezultatet e dala nga këto zgjedhje, partia e Merz fitoi 208 ulëse në Bundestag, përcjellur nga AfD që siguroi 152 duke dal e dyta.
Partitë në koalicionin qeverisës paraprak humbën ulëse, ku SDP mbeti me 120 ulëse kurse të gjelbërit 85.
Megjithëse partia e kancelarit Olaf Scholz mbeti në pozitën e tretë ajo llogaritet kandidate potenciale për formimin e një koalicioni të mundshëm me partinë fituese.
Por kush është kandidati potencial për të qenë kancelari i dhjetë me radhë i shtetit gjerman?
Lideri konservator Friedrich Merz, 69 vjeçar, avokat me profesion, dikur bashkëpunëtor politik I ish-kancelares Angela Merkel, pas largimit nga parlamenti, braktisi aktivitetin politik për disa vjet. Ai u rikthye në politikë më 2018 pasi Angela Merkel dha dorëheqje nga udhëheqja e CDU. Ai u zgjodh udhëheqës I partisë në 2021.
Në zgjedhjet e 2025-tës, ai kandidoi me premtimin për forcimin e ekonomisë gjermane dhe rregullimin e imigracionit të parregulltë, temë që kësaj radhe ishte qendrore në fushën e partive gjermane. Ai poashtu ka theksuar rëndësinë e forcimit të sigurisë dhe unitetit të kontinentit europian .
Ndërkohë, pas shpalljes së rezultateve janë deklaruar edhe liderët e partive që pësuan disfatë, ndër ta dhe kancelari gjerman në ikje.
“Mirëdita për ju! Ky ishte një rezultat i hidhur zgjedhor dje për SPD-në dhe dua të them shumë qartë: nuk është bërë më mirë sot”.
Kurse bashkëdrejtuesi i SPD-së, Lars Klingbeil u shpreh i gatshëm për bashkëpunim me partinë fituese për një koalicion të mundshëm.
“Nëse do të formohet një qeveri, nëse SPD do të shkojë në një qeveri, nuk është e sigurt. Këto janë vendime që do të merren në javët dhe muajt e ardhshëm. Megjithatë, unë e them shumë qartë se tani për tani topi është me (udhëheqësin e CDU) Friedrich Merz për t’iu afruar socialdemokratëve, për të kërkuar dialog, për të eksploruar, për të zhvilluar negociata. Pastaj anëtarët e SPD do të vendosin një kokë për të gjitha këto hapa”.
Kurse kandidati i të gjelbërve pas rënies për 3% në krahasim më zgjedhjet e kaluara është deklaruar se nuk do kërkojë rol drejtues në parti më.
