Kryetarja e partisë Alternativa dhe ministrja e Industrisë, Ndërmarrësisë dhe Inovacionit ka thënë se shkuarja në zgjedhje do të ishte skenari i fundit.
Ajo ka thënë se do të ishte skenari më i mirë i shmangies së zgjedhjeve të reja.
Për këta ajo ka thënë se beson që do të ketë vlerësim të drejtë edhe nga gjyqtarët e Gjykatës Kushtetuese që vendi të ketë institucionet të konstatuara, përfshirë edhe zgjedhjen e presidentit.
“Dua të besoj që interesi i vendit por edhe Kushtetutshmëria duhet të jen fokusi primar dhe i vetëm i gjithë gjyqtarëve të Kushtetueses pa dallim. Fatkeqësisht kemi parë rrethana e situata të ndryshme, uroj e shpresoj që të ketë vlerësim të drejtë në frymën e kushtetutës por edhe të urgjencës dhe stabilitetit të vendit për të pasur institucionet të konstatuara përfshirë edhe të presidentit. Zgjidhja më e mirë do të ishte mosshkuarja në zgjedhje, por kjo nuk varet nga dëshira, por nga faktorë të jashtëm. Skenari i parë do të është aktgjykimi i cili jep disa ditë afat për konsumimin apo ezuarimin komplet të mundësisë për zgjedhje brenda ditëve që jep gjykata dhe e dyta dekreti mbetet në fuqi dhe shpërndahet Kuvendi”, tha ajo në emisionin “Këndi i Debatit” në Tëvë1.
Ajo ka thënë se edhe nëse mbahen zgjedhjet e reja nuk do të ofrojnë zgjidhje, pasi sipas saj nuk mund të ketë përmbysje të rezultatit dhe institucionet e reja nuk mund të konstituohen pa Lëvizjen Vetëvendosje.
“Ulja në tavolinë dhe dakoordimi nuk është çështje vetëm e këtij procesi se ne mund të shkojmë në zgjedhje, por është i njëjti proces që na pres edhe pas zgjedhjeve. Nëse shkohet në zgjedhje nuk mund të ketë përmbysje të rezultatit të LVV-së me partnerët”, tha Kusari- Lila.
