Shefja e Grupit Paralamnetar të Lëvizjes Vetëvendosje, Mimoza Kusari- Lila, ka thënë se nuk ka kërkesë zyrtare për shpërbërjen e Kuvendit.
Ajo pas mbledhjes së Kryesisë së Kuvendit ka thënë se të premten do të ketë debat paralamnetar për punën e Qeverisë të propozuar nga Aleanca për Ardhmërinë e Kosovës ku është paraparë edhe votimi për rrëzimin e Qeverisë, të cilin ajo ka thënë se nuk do ta mbështesin.
“Kërkesë zyrtare për shpërndaje të Kuvendit nuk ka. Është vetëm kërkesë për debatin për tri vjet qeverisje e cila pritet të trajtohen ditën e premte, është kërkesë e AAK-së të cilët ata kanë propozuar edhe rrëzimin e Qeverisë, të cilën ne nuk e mbështesim dhe nuk shohim arsye për këtë”, ka thënë ajo, transmeton teve1.info.
Kusari- Lila, ka thënë se janë të gatshëm për zgjedhje por që nuk mund të bëhet kjo me kërkesën e vetëm të një partie opozitare, por siç ka thënë ajo duhet dakoordim nga opozita.
Të premten deputetja e PDK-së, Arijan Musliu-Shoshi, ka thënë se ka gjasa reale që Kuvendit të shpërndahet gjatë javës.
Ajo në Tëvë 1 ka thënë se nëse zgjedhjet nuk mbahet më së largu deri më 14 korrik, atëherë mundësia për zgjedhje të parakohshme do të jetë e pamundur.
Nga mbledhja e sotme e kryesisë së Kuvendit të Kosovës është vendosur që këtë javë të mbahen dy seanca plenare, të enjten dhe të premten.
