Në takim u bisedua për raportet mes Kosovës dhe Sllovenisë që nga shpallja e pavarësisë së Kosovës e më tutje.
Kusari-Lila ka thënë se e ka informuar Ambasadoren për planet e legjislativit dhe grupit parlamentar.
“Ambasadoren e informova për planet e legjislativit dhe grupit tonë parlamentar si dhe bashkërendimin e aktiviteteve tona me Qeverinë dhe grupet tjera parlamentare. Grupi ynë parlamentar ka dhënë mbështetjen e plotë Qeverisë dhe Kryeministrit Kurti në vendimin për mos mbajtjen e zgjedhjeve Serbe në Kosovë. Ne gjithashtu mbështesim Qeverinë në procesin e reformave të administratës shtetërore, reformave në sektorin ekonomik dhe atë në sektorin e drejtësisë”, ka shkruar Kusari-Lila.
Ambasadorja u prit edhe nga anëtarja e grupit të miqësisë Kosovë-Slloveni, deputetja Shqipe Metaj-Isufi.
