Deputetja e LVV-së, Mimoza Kusari-Lila ka thënë se pas seancës të së dielës nëse nuk konstituohet Kuvendi, mund të hyhet në një situatë ku mund të kërkohet interpretime ligjore për afatet.
Ajo ka thënë se LVV nuk është e interesuar për zgjedhje, por se me këtë situatë duhet të kërkohet interpretim pasi pas 30 ditësh nuk ka pasur konstituim të Kuvendit.
“Në këtë rast ose mund të shkojmë në pafundësi ose të ketë një kërkesë në të cilën 30 ditshi i prezantuar nuk ka nxjerrë një Kuvend të konstituuar. Është e paraparë në Kushtetutë që 30 ditë pas certifikimit të rezultatit zgjedhor është e paraparë që të konstituohet Kuvendi. Ai 30 ditësh është ditë e diel, më 27 prill. Kjo situatë nuk është se mund të shkojë në pafundësi, mund të sjellë në një rrethanë tjetër ku diskutimi i përbashkët me subjekte po afrohet gradualisht një datë tjetër e zgjedhjeve”, ka thënë ajo.
E pyetur nëse ka ndonjë interpretim të ri, pasi në Kushtetutë nuk parashihet një gjë e tillë, ajo ka thënë se kjo mund të jetë një mundësi për të kërkuar interpretim
Kjo është një derë për të kërkuar interpretim për afatet. Kjo mund të jetë një hap i radhës.
