Kusari Lila në Tëvë1 deklaroi se nuk mund të mbizotërojnë vlerat ekonomike mbi vlerat demokratike dhe ato të funksionimit të raporteve ndërshtetërore, të cilat thotë se Serbia i mohon me Kosovën.
“Deri më tani ne në asnjë mënyrë nuk e kemi parë si mundësi “Open Balkan”. Nuk mundën të mbizotërojnë vlerat ekonomike mbi vlerat demokratike dhe ato të funksionimit të raporteve ndërshtetërore të cilat Serbia i mohon me Kosovën dhe nuk mund të marrim pjesë diku ku nuk trajtohemi të barabartë. Ajo ishte mesazhi edhe i përfaqësuesit amerikan që vendet duhet të jenë të barabarta në pjesëmarrje në iniciativa të tilla, përderisa nuk e kemi pasur këtë qasje për Kosovën mendoj që mjaftueshëm janë dhënë shnsat për t’u parë qasja e Serbisë në raport me ne”, tha ajo.
Në emisionin “ResPublika” me Zijadin Gashin, shefja e Grupit Parlamentar të VV-së theksoi se “Open Balkan” si proces ka filluar në kohën kur absolutist nuk është mbështetur nga askush në Kosovë.
“Open Balkan” si proces ka filluar në kohën kur absolutist nuk është mbështetur nga askush në Kosovë dhe ka pasur shumë kundërthënie për faktin se aty ku ka qenë bartës Serbia apo në sistemin vlerave se si ata prezantojnë apo nga mënyra se si e trajtojnë Kosovën nuk mund të kemi ne besimin e plotë se përderisa ka pasur pengesa dhe probleme të vazhdueshme me ta edhe në proceset tjera, këtu do të jetë pak më ndryshe”, tha Kusari Lila.
Tutje gjatë intervistës në Tëvë1 ajo tha se Kosova e ka fokusin në bashkëpunimet bilaterale.
“Kosova e Prandaj sa i përket bashkëpunimeve, Kosova e ka fokusin në bashkëpunimet bilaterale sikur ka ndodh sot me Shqipërinë, sikur po ndodhë vazhdimisht edhe me Republikan e Maqedonisë së Veriut apo me Malin e Zi”, theksoi ajo./Teve1.info/
