Përmes një postimi në Facebook, Kusari ka shtuar se përgjegjësitë dhe besimi i votuesve nga zgjedhjet e 14 Shkurtit mbetën udhërrëfyes në orientimin e tyre për Kosovën më të përparuar.
“Përveq se privilegj dhe nder, marrja edhe një mandati në krye të Alternativës, është përgjegjësi dhe obligim për mua dhe 41 bashkëpunëtorët e zgjedhur në Këshillin e Përgjithshëm. Zgjerimi i rrjetëzimit me partitë liberale si motra nga rajoni dhe Evropa u vendos si synim i ynë i përbashkët, i bashkërenduar me objektivat programore: barazi në shoqëri, zhvillim të qëndrueshëm e mbrojtje dhe përmirësim të mjedisit. Alternativa na e mundësoi përgjegjësitë institucionale të marra nga bashkëpunimi me Lëvizja VETËVENDOSJE! në dy palë zgjedhje qendrore dhe ato lokale. Andaj, ato përgjegjësi si dhe besimi i votuesve nga zgjedhjet e 14 Shkurtit mbeten udhërrëfyes në orientimin tonë për Kosovën më të përparuar”, ka shkruar Kusari. /Teve1.info/
Postimi i saj i plotë:
Rrugëtimi politik i Alternativës filloi me prezantimin për herë të parë në vitin 2017, duke u konkretizuar me Kuvendin e parë zgjedhor në shkurt 2018, kur mora mandatin e parë si Kryetare e Alternativës.
Mundësitë dhe sfidat ishin të shumta dhe të ndryshme, por, i pandryshueshëm mbeti vullneti ynë për të mbajtur dhe avansuar frymën liberale në skenën politike të Kosovës.
Sot, katër vite pas, me dy palë zgjedhje qendrore dhe një palë zgjedhje lokale, ende të përkushtuar vlerave dhe parimeve liberale, konfirmuam objektivat dhe gatishmërinë tonë për vazhdimin më të fortë të subjektit tonë.
Përveq se privilegj dhe nder, marrja edhe një mandati në krye të Alternativës, është përgjegjësi dhe obligim për mua dhe 41 bashkëpunëtorët e zgjedhur në Këshillin e Përgjithshëm.
Zgjerimi i rrjetëzimit me partitë liberale si motra nga rajoni dhe Evropa u vendos si synim i ynë i përbashkët, i bashkërenduar me objektivat programore: barazi në shoqëri, zhvillim të qëndrueshëm e mbrojtje dhe përmirësim të mjedisit.
Alternativa na e mundësoi përgjegjësitë institucionale të marra nga bashkëpunimi me Lëvizja VETËVENDOSJE! në dy palë zgjedhje qendrore dhe ato lokale. Andaj, ato përgjegjësi si dhe besimi i votuesve nga zgjedhjet e 14 Shkurtit mbeten udhërrëfyes në orientimin tonë për Kosovën më të përparuar.
