Shefja e Grupit Parlamentar të Lëvizjes Vetëvendosje, Mimoza Kusari-Lila ka bërë të ditur se sot nuk ka arritur të mbahet mbledhja e rregullt e kryesisë, krejt kjo si pasojë e mungesës së anëtarëve të kryesisë së Kuvendit të Kosovës.
Tutje, ajo ka thënë se deputetët e opozitës në seanca dhe në mbledhje të kryesisë së Kuvendit janë duke abstenuar vazhdimisht për propozimet dhe projektligjet që bëhen, shkruan teve1.info
“E konsiderojmë totalisht të papranueshme dhe tërësisht jo të përgjegjshme abstenimin e vazhdueshëm të opozitës”, deklaroi Kusari – Lila.
“Arsyetimet se pozita e mban përgjegjësinë se tashmë më nuk pinë ujë, për shkak se puna dhe përgjegjësinë që e marrin deputetët është miratimin e projektligjeve, me votimet e ndryshme të raporteve natyrisht edhe votimet në Kuvend”, ka deklaruar shefja e Grupit Parlamentar të VV-së./teve1.info
