Shefja e Grupit Parlamentar të VV-së Mimoza Kusari-Lila, tha se mbledhja e Kryesisë ka dështuar për shkak të mungesës së nënkryetarit të LDK-së në këtë takim.
Ajo tha se mungesa në mbledhje nuk ishte paralajmëruar, duke shtuar se i mbetet kryetarit që të vendos për mbajtjen ose jo të seancës së re.
Kusari-Lila ka bërë të ditur se kreu i Kuvendit, Glauk Konjufca, pati një kërkesë për të gjitha partitë që punët e Kuvendit dhe politikën t’i ndajnë nga njëra-tjetra.
“Sot, siç mund ta shini nuk është mbajtur mbledhja e Kryesisë së Kuvendit. Mungoj nënkryetari i LDK-së, Kujtim Shala, nuk kishim një paralajmërim nga ta. Tash mbetët që në kompetencë të kryetarit të Kuvendit të vendos për seancë të re”, tha ajo shkruan EO.
“Sot, kryetari deklaroi që është mirë që partitë të mbajnë një qëndrim të veçantë me Kryesinë, sepse ajo duhet që të ndahet nga politika. Sot ishin tre nënkryetar të Kuvendit, ajo çka mund të themi që përgjithësitë dhe detyrat e secilit janë të përcaktuara”, tha ajo.
