Shefja e Grupit Parlamentar të Lëvizjes Vetëvendosje, Mimoza Kusari-Lila e ka quajtur ofenduese deklaratën ndaj Policisë së Kosovë nga Viola von Cramon, raportues për Kosovën në Paralamnetin Evropian.
Ajo ka thënë se policët e Kosovës janë aty ku ka nevojë.
Kusari-Lila në një postim në Facebook ka publikuar foto nga disa vende të BE-së ku shihen policia duke ushtruar dhunë ndaj protestuesve, ku tha se për dallim nga këto foto në veri nuk pati dhunë.
“Parlamentarja e BE-së, Viola von Cramon, sot në veri të vendit ka bërë deklaratë ofenduese dhe totalisht të pavend ndaj policit të Republikës, i cili me kolegët e tij ishte në detyrë, në mbrojtje të integritetit dhe sovranitetit të Kosovës. Policët e Kosovës janë aty ku ka nevojë për ta dhe të vetmit që duhet të intimidohen nga prezenca e tyre janë shkelësit, abuzuesit apo penguesit e rendit dhe ligjit”, ka shkruar Kusari-Lila.
Ajo ka thënë se rruga e Kosovës drejt integrimit nuk bëhet pa parterët, por ajo bëhet bashkë duke u bazuar në vlerat dhe parimet e shtetit sovran.
“Ne jemi të vetëdijshëm se rruga jonë e integrimit dhe zhvillimi i vendit nuk bëhet pa partnerët dhe miqtë tonë. Por, atë rrugë e bëjmë bashkë bazuar në vlerat dhe parimet e shtetit sovran dhe integritetit territorial sikur aplikohet në çdo vend demokratik”, ka shkruar Kusari-Lila.
Von Cramon gjatë ditës së sotme derisa po qëndronte në Zveçan në vizitën e saj, në një moment pranë objektit të komunës ju tha forcave policore se ”çka dreqin ju solli këtu, ku është kërcënimi”.
Ajo poashtu ka thënë se Kosova nuk ka legjitimim për të hyrë në ndërtesat komunale në veri.
Deputetes së BE-së i ka reaguar edhe Dimal Basha.
