Kryeministri i Kosovës, Albin Kurti ka thënë se zgjerimi i Bashkimit Evropian me pranimin e vendeve të Ballkanit Perëndimor është përgjigjja më e mirë ndaj kërcënimeve për paqen dhe unitetin në Evropë.
Kurti duke falënderuar presidenten e Komisionit Evropian, Ursula von der Leyen për ftesën në takimin me liderët e vendeve të Ballkanit Perëndimor, ka thënë se Kosova është e interesuar për anëtarësim në BE dhe se pret me padurim marrjen e statutit të vendit kandidat.
ka udhëtuar sot në Bruksel ku ka marrë pjesë në drekën e punës të ftuar nga Presidentja e KE, Ursula von der Leyen, me liderë të Ballkanit Perëndimor.
“Zgjerimi i BE-së është përgjigja më e mirë ndaj atyre që kërcënojnë paqen dhe unitetin e Evropës. Falënderova Presidenten Ursula von der Leyen për ftesën sot dhe mbështetjen e saj për Ballkanin Perëndimor dhe e uroi për rizgjedhjen e saj. Kosova është e etur për t’u bashkuar në “garën për në krye” në një proces anëtarësimi të bazuar në merita. Me zgjerimin e kthyer në agjendën e BE-së, ne presim me padurim marrjen e statusit të kandidatit dhe pyetësorit, pasi angazhimi ynë ndaj reformave, zhvillimit dhe demokracisë vetëm sa bëhet më i fortë”, ka shkruar Kurti në X.
