Kryeministri i Kosovës, Albin Kurti, e ka vizituar Qendrën Nacionale të Xhudos në Pejë, ku është pritur nga ekipi i xhudos që do ta përfaqësojnë Kosovën në Lojërat Olimpike “Paris 2024”.
Kurti tha se xhudistët e Kosovës po bëjnë përgatitjet e fundit përpara Lojërave Olimpike, ku tha se u dëshiron sukses me mendje, zemër e shpirt sportistëve të cilët sipas tij e kanë bërë krenare Kosovën përgjatë viteve.
“U dëshirojmë rrugë të mbarë dhe suksese të gjithë sportistëve tanë pjesëmarrës. Krenarë jemi, krenarë na bëni”, tha Kurti.
Ekipi olimpik i Kosovës për Lojërat Olimpike “Paris 2024” përbëhet nga nëntë sportistë, ku pesë nga ta janë nga xhudo.
