Kryeministri Albin Kurti ka vendosur që në Ditën e Mësuesit ta vizitojë mësuesin Osman Jakupi nga Baksi i Skënderajt, me të cilin ishin bashkë në burgjet e Serbisë.
“Ai ishte i plagosur e i burgosur, i malltretuar edhe në spital përveçse i torturuar në burg. Katër anëtarë të familjes i ka të vrarë gjatë luftës, e vetë mësues me ditar në dorë për 45 vjet e 5 muaj”, ka shkruar ai.
Po ashtu Kurti ka vizituar vajzën e mësueses së tij, e cila po ashtu është mësimdhënëse në Fakultetin e Ndërtimtarisë.
“Ndërkaq Afërdita është vajza e vetme e mësueses sime Nafije Dobruna-Deva. Kur unë isha nxënës i fillores Afërdita ishte studente e Matematikës, pastaj ajo u bë profesoreshë në Gjimnaz e mandej Asistente në Fakultet të Ndërtimtarisë, në lëndët Matematikë I, II dhe III”, ka shkruar ai.
