Me vendimin për hapjen e kapitujve të parë për anëtarësim në familjen evropiane, integrimi i Shqipërisë në Bashkimin Evropian, nga sot filloi një kapitull të ri e vendimtar.
Kështu deklaroi kryeministri i Kosovës, Albin Kurti.
“I gëzohemi fort kësaj arritjeje të Shqipërisë! Urime popullit dhe qeverisë shqiptare! U dëshiroj rrugëtim pa pengesa e progres të bazuar në meritokraci dhe përmbushje të reformave prej të cilave së pari përfitojnë qytetarët dhe vendi”, u shpreh Kurti.
“Nga ky rrugëtim që Shqipëria po e nis sot pa dyshim që do të përfitojë edhe Kosova jonë në mësime dhe përvoja me të cilat i afrohemi edhe më shumë Shqipërisë e bashkë Bashkimit Evropian”, potencoi kryeministri Albin Kurti.
Congratulations to Albania on opening the first chapters of its EU accession negotiations. The Western Balkans’ path to the EU is key to achieving prosperity and peace for both the region and Europe as a whole.
— Albin Kurti (@albinkurti) October 15, 2024
