Kryeministri i Kosovës, Albin Kurti, ka uruar udhëheqësin e partisë Tisza, Peter Magyar për fitoren e tij zgjedhore në Hungari.
Përmes një postimi në platformën “X”, Kurti ka thënë se Kosova e mirëpret mbështetjen e qytetarëve hungarezë për vlerat e Bashkimit Evropian dhe ka shprehur gatishmërinë për bashkëpunim.
“Urime Péter Magyar për fitoren e tij zgjedhore në Hungari. Kosova e mirëpret mbështetjen e popullit hungarez për vlerat e Bashkimit Evropian dhe mezi presim të punojmë së bashku”, ka shkruar Kurti.
Në zgjedhjet e 12 prillit, kryeministri aktual i Hungarisë, Viktor Orban, ka humbur zgjedhjet parlamentare, duke i hapur rrugë fitores së udhëheqësit të partisë Tisza, Peter Magyar, i cili pritet të formojë qeverinë e re në Budapest.
Orban, i cili ka udhëhequr vendin për 16 vite dhe garoi për mandatin e gjashtë radhazi, e ka pranuar rezultatin e zgjedhjeve dhe e ka uruar kundërshtarin e tij, duke e cilësuar rezultatin “të qartë”, por “të dhimbshëm” për partinë e tij.
