Kryeministri Albin Kurti ka uruar ish-presidentin e Zvicrës, Alain Berset, për zgjedhjen e tij Sekretar i Përgjithshëm i Këshillit të Europës.
Ai tha se Berset është një “mik i madh” i të drejtave të njeriut dhe se mezi pret të punojë bashkë me të.
“Shumë urime për ish-këshilltarin dhe presidentin federal të Zvicrës, Alain Berset, për zgjedhjen e tij si Sekretar i Përgjithshëm i Këshillit të Europës. Ai është një mik i madh i të drejtave të njeriut, demokracisë dhe shtetit të së drejtës. Pres me padurim të punojmë së bashku për të avancuar këto vlera themelore të Këshillit të Europës – vlera për të cilat Republika e Kosovës është thellësisht e përkushtuar si një shtet aspirant për anëtarësim”, ka shkruar Kurti.
Atë e ka uruar më herët edhe presidentja Vjosa Osmani.
Many congratulations to former 🇨🇭Federal Councilor and President @alain_berset on his election as Secretary-General of the @coe. He is a great friend to human rights, democracy, and rule of law. I look forward to working together to advance these fundamental values of the Council…
— Albin Kurti (@albinkurti) June 26, 2024
