Kryeministri në detyrë i Kosovës, Albin Kurti ka uruar Anthony Albanesen për rizgjedhjen e tij si kryeministër i Australisë në zgjedhjet e së shtunës.
Kurti ka thënë se fitorja e Albaneses pasqyron besimin e popullit australian në një qeveri të drejtë dhe progresive.
Ai ka shtuar se Kosova dhe Australia janë aleate të forta që nga mbështetja e këtij vendi gjatë luftës dhe se ‘mbeten të përkushtuara bashkërisht për ndërtimin e shoqërive gjithëpërfshirëse dhe dinjitoze’.
“Urime të përzemërta për kryeministrin Antony Albanese për fitoren e tij të rëndësishme, e cila pasqyron besimin e popullit australian në një qeveri të drejtë dhe progresive. Vendet tona, aleatë të fortë që nga mbështetja e Australisë gjatë luftës sonë për liri – mbeten të përkushtuara bashkërisht për ndërtimin e shoqërive gjithëpërfshirëse dhe dinjitoze”, ka shkruar ai në platformën “X”.
Heartfelt congratulations to PM @AlboMP on his important victory, which reflects the Australian people’s trust in a just and progressive government. Our countries — strong allies since Australia’s support during our struggle for freedom — remain jointly committed to building…
— Albin Kurti (@albinkurti) May 4, 2025
Kryeministri i Australisë, Anthony Albanese në zgjedhjet e përgjithshme të mbajtura të shtunën ka siguruar mandatin e dytë trevjeçar, duke u bërë kështu udhëheqësi i parë në dy dekadat e fundit që arrin dy fitore radhazi./teve1.info/
