Kryeministri i vendit, Albin Kurti ka udhëtuar për në Zvicër, shkruan teve1.info.
Sipas komunikatës nga Zyra e Kryeministrit, thuhet se Kurti bashkë me ministren e Industrisë, Ndërmarrësisë dhe Tregtisë, Rozeta Hajdari, do të marrin pjesë në hapjen e panairit “Swissbau 2024”, ku 12 kompani vendore do të promovojnë prodhimet e tyre.
Më tej thuhet se Kurti do të udhëtojë për në Davos për të marrë pjesë në edicionin e sivjetëm të Forumit Ekonomik Botëror (WEF), ku krahas takimeve bilaterale me homologë, zyrtarë të lartë shtetërorë dhe përfaqësues të kompanive ndërkombëtare, është i ftuar edhe si folës në panele të diskutimit.
Kurti gjatë qëndrimit në Davos pritet që të takohet edhe më të dërguarin e BE-së për dialogun Kosovë-Serbi, Miroslav Lajçak./teve1.info./
