Kryeministri i Kosovës, Albin Kurti në 36 vjetorin e grevës së minatorëve të Trepçës, ka thënë se Trepça është më shumë se ndërmarrje.
Ai ka thënë se ajo është lidhja e të shkuarës të tashmes dhe ardhmes së vendit jo vetëm ekonomike.
“Trepça nuk është e nuk ka qenë asnjëherë thjesht një ndërmarrje. Ajo është zinxhiri që lidh të shkuarën, të tashmen dhe të ardhmen tonë ekonomike dhe jo vetëm. Nëpërmjet zhvillimit, ka ndihmuar arsimin e industrinë. E përmes saj është bërë dhe shkruar historia. Jo vetëm historia ekonomike e vendit, por edhe ajo politike me efekte rajonale dhe me jehonë ndërkombëtare”, ka shkruar Kurti.
