Kryeministri i Kosovës, Albin Kurti ka ritheksuar qëndrimin e tij rreth rregullores së re të BQK-së që ndalon qarkullimin e dinarit në Kosovë.
Ai ka thënë se Qeveria nuk do të ndryjë në vendimin e BQK-së që është institucion i pavarur.
“Nuk mund ta kthejmë këtë vendim. Nuk do të kemi asnjë lloj mase ndëshkuese – nuk duam të ndëshkojmë askënd”, ka thënë ai në një intervistë dhënë mediumit britanik “Bloomberg”.
Kurti ka thënë se Qeveria e tij nuk do të ndërhyjë në vendimin e Bankës Qendrore, të cilën e ka quajtur të pavarur në zbatimin e rregullores së saj, të hyrë në fuqi më 1 shkurt.
Ai ka shtuar se serbëve etnikë do t’u jepet kohë për t’u përshtatur me vendimin e ri.
Kurti ka folur edhe për Marrëveshjen e Brukselit dhe Aneksin e Ohrit, duke thënë se nevojitet një marrëveshje e nënshkruar me Serbinë sa më shpejt të jetë e mundur.
