Ai ka thënë se rritja e eksporteve është evidente, ndonëse për këtë thotë se është meritë e punëtorëve por ka thënë se Qeveria ka vullnetin.
“Asnjëra prej shifrave që unë ka prezantuar nuk është kontestuar. Opozita më kritikon, më sulmon sepse e ka këtë detyrë për nga natyra. Përndryshe, të arriturat tona janë padiskutueshme. Nuk mund të them që rritja e eksporteve dhe e bizneseve është dora e Qeverisë. Dora është e punëtorit, por ne e kemi vullnetin dhe detyrën”, tha ai, në një konferencë të përbashkët me kryetarin e Gjilanit, Alban Hyseni, shkruan teve1.info.
Kurti ka folur edhe për dorëheqjen e ministrit të Shëndetësisë, Rifat Latifi, punën e të cilit e ka vlerësuar për 10 muaj.
“Nuk e kam shkarkuar ministrin e Shëndetësisë, ai ka dhënë dorëheqje. Nuk ekziston asnjë projekt që ministri Latfi ka nisur e ne po e ndalim. Doktor Latifi ka vlerë të madhe”, tha ai.
Sa i përket mjeteve të pa shpenzuara buxhetore, Kurti ka mohuar se po i ruajnë mjetet për import të energjisë. Ai ka thënë se më këtë po tregojnë që është e mundshme që mos të shpenzohet të gjitha paratë siç kanë bërë qeveritë e kaluara, por sipas tij kanë krijuar borxhe.
“Nuk është e vërtet që ne po ruajmë para për import të energjisë, për ti shpenzuar në subvencionim e energjisë elektike. Çfarë ne po bëjë është që së pari po tregojmë që është e mundshme që mos ti shpezosh të gjitha paratë, sepse qeveritë e kaluara kanë kriju borxhe, siç pe shohim edhe këtu në Gjilan”
Kurti tha se nuk ka asnjë operator ekonomik që mund ta fajsojë Qeverinë se për punët që ka kryer nuk është paguar./teve1.info/
