Kryeministri i Kosovës, Albin Kurti, ka thënë se është i gatshëm ta dërgoj vendin në zgjedhje, nëse për një gjë të tillë pajtohet shumica parlamentare, raporton teve1.info
Pas takimit me kryetarin e Partisë Demokratike të Kosovës, Memli Krasniqi, Kurti tha se bisedoi për agjendën legjislative e situatën në përgjithësi.
Megjithatë, Kurti shtoi se janë 13 marrëveshje ndërkombëtare, për miratimin e të cilave nevojitet edhe mbështetja e opozitës pasi nuk kalojnë me shumicë të thjeshtë.
Sa i përket shkuarjes në zgjedhje të parakohshme, Kurti tha se është i gatshëm ta dërgoj vendnin në zgjedhje, por se nuk dëshiron një gjë të tillë ta vendos vet.
“Për shpërndarje të Kuvendit nevojiten 80 vota, LVV nuk i ka por nuk do të preferoja të shpërndahet Kuvendi nga 2 parti ose 3 parti. Pse të mos bëhemi bashkë, është në natyrën e opozitës të kërkoj gjendje. Për mua nuk është thelbësore a do të qeveris në këtë mandat edhe 10 muaj, 8, 6 apo 3 muaj, është e rëndësishme të kemi konsensus më gjithëpërfshirës për datën e zgjedhjeve dhe tani debatin ta bëjmë në fushatë”, u shpreh kryeministri.
Ai tha se do të insistoj të takohet edhe partitë tjera opozitare në mënyrë që të dakordohet për datën e zgjedhjeve të ardhshme parlamentare.
Ndërsa sa i përket anëtarësimit të Kosovës në KiE, Kurti tha se Kosova i ka plotësuar të gjitha kushtet dhe tashmë sipas tij fjalën e ka Evropa.
“Nuk kam asgjë të re për KiE sepse i kemi plotësuar të gjitha kushtet, tashmë fjalën nuk e kemi ne por Këshilli i Evropës, Këshilli i Ministrave që e ka mbledhjen më 17 maj”, tha Kurti.
Kurti foli edhe për suksesin legjislativ, për çka tha se mban rekord të numrit të ligjeve të miratuara në dy lexime.
