Janë identifikuar gjithsej 45 persona, të cilët dyshohet që kanë marrë pjesë në sulmet e veriut, në kohën kur banorët lokalë serbë kundërshtonin hyrjen e kryetarëve shqiptarë në objektet e komunave.
Kështu ka bërë të ditur kryeministri i Kosovës, Albin Kurti, i cili tha që 45 personat dyshohet se kanë shkaktuar rrezik të përgjithshëm duke përdorur armatim të ndryshëm.
“Deri më sot janë identifikuar gjithsej 45 persona – identifikim i saktë – që kanë marrë pjesë në sulme, në dhunë kundër ushtarëve të KFOR-it, Policisë së Kosovës dhe gazetarëve. Por, njëkohësisht kanë shkaktuar rrezik të përgjithshëm duke përdorur armatim të ndryshëm, prej granatave të dorës te shok bombat, por edhe të plumbave qofshin ata të automatikëve ose revolverëve”, tha Kurti gjatë punimeve të rrugës Prishtinë – Podujevë.
Kurti ha as çereku i të dyshuarve nuk është arrestuar për këto sulme, prandaj sipas tij, ende është kjo situatë.
Lidhur me sulmet në veri, Policia e Kosovës deri më tani ka arrestuar disa persona. Më 29 maj në Zveçan, protestuesit serbë u përleshën me ushtarët e misionit të NATO-s në Kosovës, KFOR, ku për pasojë lanë të lënduar dhjetëra persona.
Më 29 qershor, Qeveria e Kosovës shpalli “Mbrojtjen Civile” dhe “Brigadën e Veriut” organizata që besohet se veprojnë në veri të Kosovës si organizata terroriste./teve1.info/
