Kryeministri i Kosovës tha se edhe pesë qytetarë të Republikës së Kosovës po vazhdojnë të mbahen ende në Serbi, nga ndalimi që u është bërë nga autoritetet serbe që nga mbrëmja e së martës, raporton teve1.info
Në fjalën hyrëse të mbledhjes së Qeverisë, Kurti tha se me ndalimin e qindra qytetarëve të Kosovës si udhëtarë transit në shtetin serb, Serbia ka shkelur një grumbull marrëveshjes të arritura me Kosovës siq është liria e lëvizjes dhe njohja e dokumenteve peronale.
“Pesë qytetarë janë liruar kurse pesë ndodhen akoma në mbajtje duke përfshirë edhe zëvendësdrejtorin e Policisë së Kosovës, Dejan Jankovic. Veprimi i Serbisë është akti ulët ndaj anëtarësimit të Kosovës në KiE, ndërsa keqtrajtimi i qytetarëve është kundër lëvizjes së lirë dhe parimit të fqinjësisë së mirë. Me veprimin e djeshëm, Serbia ka shkelur një grumbull marrëveshjesh. Ndalimi dhe mbajtja arbitrare, e pabazë dhe keqtrajtimi i qytetarëve na i risolli kujtimet e hidhura të Serbisë së Millosheviqit, duke na kujtuar që ajo ngelet e njëjta ngase udhëhiqet nga një ish-vartës i tij”, tha Kurti.
Kurti tha se sipas informatave, Jankovic është dërguar në Rashkë, derisa shtoi se bazuar në përvojën e mëhershme në Rashkë ata që dërgohen merren në pyetje nga autoritetet serbe.
“E dje Serbia u hakmor, ndali në kufi përmbi 20 orë qindra qytetarëve t vendit tonë të cilët Serbinë e shfrytëzonin jo si destinim, por edhe transit. Në mesin e tyre ishte edhe zv.drejtori Dejan Jankovic. Por aty janë edhe Sinisha Miliq, Zoran Marinkoviq, Boban Simeunoviq dhe Ramiz Ibrahimi. Sipas informatave që i kam, zv.drejtori është dërguar në Rashkë. Nga e kaluara e dimë që në rast të dërgimit atje ata intervistohen nga akterë të Serbisë”, deklaroi Kurti.
Kurti tha se Serbia me ndalimin e qindra qytetarëve të Kosovës në këtë shtet për mbi 20 orë, u hakmor për rrugën drejt anëtarësimit të Kosovës në Këshillin e Evropës.
Ndërsa sa i përket këtij procesi, kryeministri i bëri thirrje komitetit të ministrave që në muajin maj ta votojnë anëtarësimin e Kosovës në KiE.
