Kryeministri në detyrë i Republikës së Kosovës, Albin Kurti, mirëpriti sot Sekretarin e Përgjithshëm të Këshillit për Bashkëpunim Rajonal (RCC), Amer Kapetanović.
Gjatë takimit, diskutimi u fokusua në bashkëpunimin dhe integrimin rajonal, të cilat sipas Kurtit, janë thelbësore për përmirësimin e marrëdhënieve fqinjësore.
Kurti theksoi rëndësinë e rolit të RCC-së në avancimin e Tregut të Përbashkët Rajonal, promovimin e tranzicionit të gjelbër dhe përgatitjen e Ballkanit Perëndimor për integrim gradual në Bashkimin Evropian.
Sa i përket marrëveshjeve të mobilitetit në kuadër të Procesit të Berlinit, Kurti u shpreh se zbatimi i tyre duhet të realizohet pa vonesa dhe e inkurajoi Sekretarin Kapetanović të angazhohet për përshpejtimin e këtij procesi./teve1.info/
