Kryeministri, Albin Kurti është takuar në Paris me Ndihmës Sekretarin amerikan të Shtetit për Çështjet Europiane dhe Euroaziatike, James O’Brien.
Kurti tha se O’Brien konfirmoi mbështetjen e vazhdueshme të SHBA-së për Kosovën.
Tutje, Kurti ka thënë se ata diskutuan edhe për progresin e shpejtë ekonomik dhe demokratik të Kosovës.
“Kënaqësi të takoja me Ndihmës Sekretarin e Shtetit të SHBA-së [për Çështjet Europiane dhe Euroaziatike] O’Brien, i cili konfirmoi mbështetjen e vazhdueshme të SHBA-së për Kosovën. Diskutuam progresin e shpejtë ekonomik dhe demokratik të Kosovës – i njohur gjerësisht nga organet ndërkombëtare – dhe unë përsërita përkushtimin tonë për anëtarësimin në BE dhe NATO si objektivat tona kryesore strategjike”, ka shkruar Kurti në X.
Pleased to meet w/ U.S. Asst Secretary of State O’Brien, who confirmed 🇺🇲’s ongoing support of 🇽🇰. We discussed Kosova’s rapid economic & democratic progress—widely recognized by int’l orgs—and I reiterated our commitment to EU & NATO membership as our chief strategic objectives. pic.twitter.com/0uxzRcTRK0
— Albin Kurti (@albinkurti) November 11, 2023
