Kryeministri i Kosovës, Albin Kurti, së bashku me këshilltaren politike, Ardita Sinani, kanë pritur në takim kryetarin re Partisë Aksioni Demokratik në Shanxhak (SDA), Dr. Sulejman Ugljanin, deputetin shqiptar në Parlamentin e Serbisë, Shaip Kamberi, përfaqësuesit politikë boshnjakë në Serbi, Esad Salihovic, Selma Kucevic, Ado Kameniscanin, dhe kryetarin e Këshillit Kombëtar Shqiptar në Serbi, Nevzad Lutfiu.
Në këtë takim është diskutuar për shkeljet që i përjetojnë si pakica shqiptare, si dhe ashtu bonjake në Serbi, raporton teve1.info
“Në takim u diskutua për brengat dhe shkeljet të cilat në mënyrë të vazhdueshme i përjetojnë si pakica shqiptare e po ashtu edhe ajo boshnjake në Serbi, dhe për atë se çfarë mund të bëhet së bashku për të përmirësuar këtë gjendje”, thuhet në njoftim të Zyrës së Kryeministrit.
Tutje, është bërë e ditur se përfaqësuesit e bonjakëve në Serbi kanë thënë se nuk janë të kënaqur me trajtimin që i bëhet atyre.
“Parimi i reciprocitetit dhe i simetrisë së të drejtave të pakicave kombëtare në Ballkan Perëndimor, është formula e duhur për arritjen e një paqe të qëndrueshme e afatgjate në rajon, u tha në takim”, thuhet në njoftim.
Gjithashtu, tema të tjera të diskutimet Zyra e Kryeministrit njofton se kanë qenë edhe mandatet e garantuara, përfaqësimi i garantuar institucional, pasivizimi i adresave të vendbanimeve, shkelja e të drejtave të pakicave dhe vështirësitë në përdorimin e gjuhës dhe simboleve./teve1.info/
