Kryeministri i vendit, Albin Kurti, ka pritur në takim diplomatin gjerman dhe ish-drejtuesin e UNMIK-ut, Joachim Rücker dhe ish-presidentin e Kosovës, Fatmir Sejdiu.
Temë tjetër e diskutimit, ishin edhe zhvillimet aktuale dhe sfidat me të cilat përballet Kosova, veçanërisht në kontekstin e dialogut me Serbinë.
Gjatë takimit, Kurti ka vlerësuar lartë kontributin dhe rolin e Gjermanisë në zhvillimin dhe konsolidimin e shtetit të Kosovës.
“Nga ana e tij, kryeministri Kurti vlerësoi lart kontributin dhe rolin e Gjermanisë në zhvillimin dhe konsolidimin e shtetit të Kosovës. Temë tjetër e diskutimit ishin dhe zhvillimet aktuale dhe sfidat me të cilat përballet vendi, veçanërisht në kontekstin e dialogut me Serbinë. Kryeministri Kurti theksoi angazhimin e qeverisë për të avancuar në këtë proces, në normalizimin e marrëdhënieve me njohjen reciproke në qendër, duke ruajtur interesat shtetërore dhe duke promovuar stabilitetin e paqen në rajon”, thuhet në komunikatë.
Në vijim, Sejdiu dhe Rücker ndanë me Kurtin detaje rreth ligjëratës që ata mbajtën në Universitetin e Prishtinës, duke u fokusuar në rëndësinë e arsimit dhe ngritjes së brezave të rinj./teve1.info/.
