Kryeministri i Kosovës, Albin Kurti, sot e ka pritur në takim Ambasadorin e Suedisë në Kosovë, Jonas Ëesterlund, shefin e SIDA-s në Kosovë, Henrik Riby, dhe përfaqësuesin e organizatës Grupi Ballkanik për Hulumtim të Politikave, Naim Rashiti.
Kurti e uroi ambasadorin Ëesterlund për fillimin e mbarë të anëtarësisë së Suedisë në NATO, ndërkohë kryeministri ka theksuar se anëtarësimi i Kosovës në po këtë organizatë mbetet synim i qartë dhe angazhim i vazhdueshëm i institucioneve të Kosovës.
Ndërkohë, Kurti e ka falënderuar ambasadorin Ëesterlund për përkrahjen ndaj Kosovës në procesin e integrimeve evropiane dhe për ndihmën e dhënë për shumë projekte zhvillimore, e përfshirë këtu projektin ‘Ndërtimi i Paqes dhe Avancimi i Agjendës Evropiane’, që menaxhohet nga Grupi Ballkanik për Hulumtim të Politikave/BPRG, i cili mbështet një numër ekspertësh ndërkombëtarë e vendorë./teve1.info/
