Kryeministri i Kosovës, Albin Kurti, gjatë ditës së sotme ka mirëpritur shefin e OSBE-së në Kosovë, Michael Davenport.
Në takim është biseduar rreth fuqizimit të bashkëpunimit të dyanshëm, në iniciativa me interes të përbashkët.
“Qeveria e Republikës së Kosovës dhe institucionet gjegjëse punojnë ngushtë me Zyrën e OSBE-së në Kosovë, e ku qëllim të ndërsjellë kemi forcimin e institucioneve demokratike, sundimin e ligjit dhe respektimin e të drejtave të të gjithë qytetarëve të Kosovës pa dallim, konform Kushtetutës dhe ligjeve të vendit tonë”, thuhet në komunikatën për media të Zyrës së Kryeministrit.
Po ashtu, Kurti e ka falënderuar ambasadorin Davenport për bisedën, bashkëpunimin dhe mbështetjen e vazhdueshme ndaj shtetit të Kosovës./teve1.info/
